Category: Apsara News

សេប៊ូ, ហ្វីលីពីន ថ្ងៃ : ទី២៩ ខែមករា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញចូលរួមកម្មវិធីរាត្រីសិង្ហបុរី ដែលជាប្រទេសនឹងក្លាយជាម្ចាស់ផ្ទះបន្ទាប់ក្នុងការរៀបចំវេទិកាទេសចរណ៍អាស៊ានឆ្នាំ២០២៧ ក្នុងគោលបំណងលើកកម្ពស់កិច្ចសហប្រតិបត្តិការលើវិស័យទេសចរណ៍អាស៊ាន ការបង្ហាញអំពីវប្បធម៌ ប្រពៃណី និងម្ហូបអាហារដ៏សម្បូរបែបរបស់ប្រទេសសិង្ហបុរី ព្រមទាំងការផ្សព្វផ្សាយគោលដៅទេសចរណ៍រួមគ្នារវាងប្រទេសជាសមាជិកអាស៊ាន ជាមួយប្រទេសសិង្ហបុរីផងដែរ។

(បាត់ដំបង)៖ ថ្ងៃសុក្រ ១២កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៣០ ខែមករា ឆ្នាំ២០២៦ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បាននាំយកអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី រួមមាន អង្ករ គ្រឿងឧបភោគបរិភោគ និង ថវិកា សម្រាប់ទ្រទ្រង់ការងារសាលា យោធាចារ្យ និង គ្រូគ្រប់គ្រង នៅសាលាពលទាហានទី៥ យោធភូមិភាគទី៥។ការឧបត្ថម្ភនេះ ជាការយកចិត្តទុកដាក់របស់ សម្តេចមហាបវរធិបតី ហ៊ុន Read more

(បន្ទាយមានជ័យ)៖ នៅព្រឹកថ្ងៃសុក្រ ទី៣០ ខែមករា ឆ្នាំ២០២៦ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ អញ្ជើញជាអធិបតីភាពក្នុងកិច្ចប្រជុំផ្សព្វផ្សាយរបាយការណ៍លទ្ធផលការងារ កងរាជអាវុធហត្ថ ឆ្នាំ២០២៥ និងលើកទិសដៅការងារ ឆ្នាំ២០២៦ និងផ្សព្វផ្សាយនូវប្រសាសន៍ណែនាំរបស់លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស។ ក្នុងកិច្ចប្រជុំនេះក៏មានការអញ្ជើញចូលរួមពីសំណាក់លោកមេបញ្ជាការរង លោកនាយសេនាធិការរង លោកប្រធាន-អនុប្រធានមន្ទីរទាំង៧ លោកនាយការិយាល័យ, លោកមេបញ្ជាការ មេបញ្ជាការរង មូលដ្ឋានក្រុង ស្រុកទាំង៩ លោកប្រធានស្នាក់ការសន្តិសុខ និងកម្លាំងកងរាជអាវុធហត្ថទាំងអស់ដែលកំពុងបំរើការងារនៅសេនាធិការដ្ឋានកងរាជអាវុធហត្ថខេត្ត សរុបចំនួន១៥៥នាក់។ នាឱកាសនោះដែរលោកឧត្តមសេនីយ៍ត្រី បោន ប៊ិន ក៏បានពាំនាំនូវការផ្ដាំផ្ញើ សួរសុខទុក្ខពីសំណាក់ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ Read more

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញដឹកនាំកិច្ចប្រជុំកំណែទម្រង់ តម្រង់ទិស និងពង្រឹងការផ្តល់សេវាសាធារណៈ សណ្តាប់ធ្នាប់សាធារណៈ សន្តិសុខ និងសុវត្ថិភាពសង្គម របស់កងកម្លាំងនគរបាលជាតិ នៅទីស្តីការក្រសួង រាជធានីភ្នំពេញ នាព្រឹកថ្ងៃទី២៩ ខែមករា ឆ្នាំ២០២៦

រដ្ឋលេខាធិការក្រសួងពាណិជ្ជកម្ម បានស្នើឱ្យប្រជាពលរដ្ឋចូលរួមប្រើប្រាស់ផលិតផលក្នុងស្រុកឱ្យបានច្រើន ដើម្បីលើកស្ទួយផលិតផលជាតិ និងជំរុញការនាំចេញទៅកាន់ទីផ្សារទាំងក្នុងតំបន់ និងសកលលោក ។ ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម មានប្រសាសន៍ថា ផ្នែកពាណិជ្ជកម្មកម្ពុជានៅពេលបច្ចុប្បន្ននេះ នៅបន្តបោះជំហានទៅមុខជានិច្ចបើទោះបីជាមានផលប៉ះពាល់អវិជ្ជមានខ្លះពីជម្លោះព្រំដែនបង្កឡើងពីការឈ្លានពានរបស់យោធាថៃ មកលើដែនអធិបតេយ្យភាពកម្ពុជាក៏ដោយ ក៏ប៉ុន្តែទំហំពាណិជ្ជកម្មរបស់កម្ពុជាជាមួយបណ្តាប្រទេសផ្សេងទៀត នៅតែបន្តដំណើរការល្អ ដដែល។ ឯកឧត្តម ប៉ែន សុវិជាតិ បន្តថា ចំពោះជោគជ័យក្នុងផ្នែកពាណិជ្ជកម្មរបស់កម្ពុជាក្នុងអំឡុងពេលមានជម្លោះព្រំដែននេះ ដោយសាររាជរដ្ឋាភិបាលបានខិតខំប្រឹងប្រែងក្នុងការបន្តស្វែងរកដៃគូពាណិជ្ជបន្ថែមទៀត តាមរយៈការចុះកិច្ចព្រមព្រៀងពាណិជ្ជកម្មសេរីជាមួយប្រទេសនានា ។ សូមបញ្ជាក់ថា រាជរដ្ឋាភិបាលក៏ដូចជាក្រសួង បានខិតខំក្នុងការជំរុញ និងលើកទឹកចិត្តឱ្យមានការកែច្នៃកសិផលបន្ថែមទៀត ដើម្បីបំពេញតម្រូវការទីផ្សារអន្តរជាតិ និងផលិតជំនួសទំនិញនាំចូល៕

បច្ចេកវិទ្យា (Online Scam) ខេត្តស្ទឹងត្រែង៖ ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង នៅព្រឹកថ្ងៃទី២៩ ខែមករា ឆ្នាំ២០២៥ នេះ បានដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត ដើម្បីពិនិត្យ ពិភាក្សា និងដាក់បទបញ្ជាយ៉ាងម៉ឺងម៉ាត់លើការងារសន្តិសុខសណ្តាប់ធ្នាប់នៅទូទាំងខេត្ត ពិសេសការកម្ចាត់បទល្មើសបច្ចេកវិទ្យា។  កិច្ចប្រជុំដែលប្រព្រឹត្តទៅនៅសាលាខេត្តស្ទឹងត្រែងនេះ មានការអញ្ជើញចូលរួមពីកងកម្លាំងប្រដាប់អាវុធទាំងបីប្រភេទ ព្រមទាំងអាជ្ញាធរគ្រប់លំដាប់ថ្នាក់ ចាប់ពីថ្នាក់មូលដ្ឋានរហូតដល់ថ្នាក់ខេត្ត។ ក្នុងឱកាសនោះ ឯកឧត្តម សរ សុពុត្រា បានមានប្រសាសន៍សង្កត់ធ្ងន់ថា ស្មារតីនៃកិច្ចប្រជុំនាព្រឹកនេះ គឺឆ្ពោះទៅរកការរឹតបន្តឹងនៃការអនុវត្តរបបសន្តិសុខសង្គម របៀបរៀបរយ និងសណ្តាប់ធ្នាប់សាធារណៈនៅក្នុងខេត្តស្ទឹងត្រែងទាំងមូល ស្របតាមវិធានការចាំបាច់របស់រាជរដ្ឋាភិបាល។ ក្នុងនោះ ឯកឧត្តមបានដាក់បទបញ្ជាឱ្យអាជ្ញាធរពាក់ព័ន្ធត្រូវយកចិត្តទុកដាក់ខ្ពស់លើការគ្រប់គ្រងសុវត្ថិភាពតាមទីតាំងរស់នៅប្រមូលផ្តុំ ការពិនិត្យការតាំងទីលំនៅរបស់ជនបរទេស និងការទប់ស្កាត់ បង្ក្រាបសកម្មភាពជួញដូរមនុស្សនិង Online Scam ឱ្យមានប្រសិទ្ធភាពខ្ពស់។ Read more

នៅថ្ងៃទី២៩ ខែមករា ឆ្នាំ២០២៦ ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និងឯកឧត្តម ប៉ែន កុសល្យ អភិបាលខេត្តត្បូងឃ្មុំ បានដឹកនាំគណៈប្រតិភូអញ្ជើញចូលរួមក្នុងពិធីចុះហត្ថលេខាលើកិច្ចព្រមព្រៀងសហប្រតិបត្តិការរវាងគណៈកម្មាធិការប្រជាជនខេត្តតៃនិញ នៃសាធារណរដ្ឋសង្គមនិយមវៀតណាម ជាមួយរដ្ឋបាលខេត្តកម្ពុជាចំនួនបី រួមមានខេត្តត្បូងឃ្មុំ ស្វាយរៀង និងព្រៃវែង។ ពិធីនេះប្រារព្ធឡើងនៅមជ្ឈមណ្ឌលកម្សាន្ត Ca Na ខេត្តតៃនិញ ក្រោមអធិបតីភាពដ៏ខ្ពង់ខ្ពស់របស់សមមិត្ត ឡេ វ៉ាន់ ហាន់ អនុលេខាគណៈកម្មាធិការបក្ស និងជាប្រធានគណៈកម្មាធិការប្រជាជនខេត្តតៃនិញ ដោយមានការអញ្ជើញចូលរួមពី ឯកឧត្តម ប៉េង ពោធិ៍សា អភិបាលខេត្តស្វាយរៀង ឯកឧត្តម ម៉ែន វិបុល អភិបាលខេត្តព្រៃវែង ព្រមទាំងថ្នាក់ដឹកនាំ និងគណៈប្រតិភូនៃខេត្តទាំងបួនយ៉ាងច្រើនកុះករ។ ក្នុងមតិស្វាគមន៍ សមមិត្ត Read more